Tatarstannyń astanasy Qazan qalasynda 5 qyrkúıek kúni bastalǵan Musylman fılmderiniń keshe jabylý saltanaty boldy. Atalǵan Musylman fılmderi festıvaline 56 elden 513 fılm qatysqan. 10 ret ótkizilip otyrǵan festıváldiń  bas júldesin Horvatıanyń «Halımanyń joly» atty kórkem fılmi enshilegen. Bul týraly TRT-qazaq arnasy jazdy. Festıváldiń baıqaýyna barlyǵy 20 fılm, 20 derekti fılm jáne 10 anımasıalyq fılm qatysqan.

Túrik rejıseri Faısal Soısaldyń «Úsh jol» atty fılmi Túriksoı Arnaıy júldesin oljalaǵan. Úzdik rejıser atalymynda Brazılıa men Lıvannyń ortaq fılmi «Sońǵy aıaldama», Úzdik aktrısa atalymynda Belorýssıanyń «Babý» kınofılminde oınaǵan Tamara Mıronova, Úzdik akter atalymynda Tatarstannyń «Qurban-roman» fılmniń akteri Danıl Shıgapov júldege ıe boldy. Reseı Múftıler keńesiniń bastamasymen 2005 jyly bastalǵan atalmysh festıvál Reseı, ári álem qoǵamynyń Islam jáne musylmandar jóninde durys málimet alýyn maqsat etedi. 

Qamshy-aqparat